Түркияда Алматы облысы әкімінің кеңесшісі Самат Ақылбеков «Nata Holding» компаниясының директорлар кеңесінің төрағасы және негізін қалаушысы Намық Таникпен кездесті. Жүздесуде жаңа қала салу және өңір инфрақұрылымын дамыту мәселелері талқыланды.
Намық Таник ынтымақтастық орнатуға ықыластылығын білдіріп, Алматы облысының инвестициялық мүмкіндіктерімен танысуға ниетті екенін жеткізді.
«Қазақстан – зор әлеуеті бар ел, ал Алматы облысы – ерекше маңызға ие. Біз аймаққа барып, заманауи қала құрылысына үлес қосуға дайынбыз», – деді Намық Таник.
Кездесу барысында облыс делегациясы құрылыс, туризм және логистика салаларындағы жобаларды және мемлекеттік-жекеменшік әріптестік тетіктерін таныстырды.
«Nata Holding» – Түркияның жетекші девелоперлік компанияларының бірі, VEGA брендімен жүзеге асырылған Vega AVM Іstanbul (190 мың ш.м.) сияқты жобаларымен танымал. Компаниямен әріптестік аймақтың инфрақұрылымын дамытуға және халықаралық сапа стандарттарын енгізуге мүмкіндік береді.
Өз тілшіміз
