Алматы облысы және Жамбыл, Жетісу, Қызылорда, Түркістан облыстарында алдағы күндері өзендер тасып, су басуы мүмкін. Бұл туралы Қазгидромет республикалық мекемесі хабарлады. Синоптиктер 22 ақпан мен 24 ақпан аралығында күннің жылынуына және жауын-шашын мен қардың мол түсуіне байланысты аталған облыстарда және Алматы облысының таулы аудандарында қар еріп, су жиналуы мүмкін және өзендерде су деңгейі көтеріліп,су тасуы ықтимал деп ескертеді.
Бұдан бірнеше күн бұрын Алматы облысының Жамбыл ауданындағы Ұзынағаш пен Жаңақұрылыс ауылдарында бірнеше аула мен көшені еріген қар суы басқаны хабарланған.
