Облыстық жұмыспен қамтуды үйлестіру және әлеуметтік бағдарламалар басқармасының Alatau News сайтына берген ақпараты бойынша, биыл Алматы облысының 375 жас тұрғынына 2,5 пайызбен шағын несие беру үшін 1,9 млрд теңге бөлінеді. Қаржыны «Аграрлық несие корпорациясы» АҚ бөлмек.
Несиені жұмыссыз, кәсіпкер жастар ала алады. Олардың жеке кәсіпкер ретінде тіркелген уақыты 5 жылдан кем болмауы тиіс.
«Қазіргі таңда кәсіпкерлерге қаражат беру үшін облыста арнайы комиссия құрылды. Осы күнге дейін тұрғындардан 190-ға жуық өтініш түсті», – дейді мамандар.
5 миллион теңгеге дейінгі несие 5 жылға, мал шаруашылығымен айналысатындарға 7 жылға дейінгі мерзімге беріледі. Несие алу үшін кепілге мүлік қою шарт.
