1 мамыр Қазақстан халықтарының бірлігі мерекесіне орай Алматы облысы Талғар ауданындағы Қобыланды батыр атындағы ипподромында ҚР Мәдениет және спорт министрлігі мен ҚР Ақпарат және қоғамдық даму министрлігінің қолдауымен ұшқыр бәйгеден Qazaq World Cup турнирі өтеді.
Турнирді Қазақстан Ұлттық спорт қауымдастығы, Алматы облысының әкімдігі, республикалық «Бәйге» Федерациясы, сондай-ақ, «Bayserke Agro» холдингі ұйымдастырып отыр. Жарыстың жүлде қоры – 17 700 000 теңгені құрайды.
Одан бөлек көрермендер арасында жалпы жүлде қоры 2 миллион теңгеге жуық «Ең үздік ұлттық киім», арқан тарту, қыз қуу, асық ату, қошқар көтеру сынды ойындардан сайыстар өткізіледі.
