Бұл туралы Алматы облысының әкімі Марат Сұлтанғазиев Кеген ауданы тұрғындарымен кездесуінде айтты. Өңір басшысының мәліметінше, облыста 147 елді мекенге газ тартылғанын, газдандыру деңгейі 50 пайызды құрайды.
«Халықты газбен қамту үшін Кеген және Райымбек аудандарын қамтитын ұзындығы 229 км «Шелек-Кеген-Нарынқол» магистральдық газ құбырын салуға жобалау-сметалық құжаттар әзірленіп жатыр, 2023 жылдың бірінші жартысында дайын болып қалады деп отырмыз», – деді облыс басшысы.
Екі ауданға магистральды газ құбыры тартылса, 23 елді мекенде 47 мыңнан астам тұрғын көгілдір отынға қолы жетпек.
