Жиын Алматы облысы әкімі орынбасары Батанов Алмастың қатысуымен өтті. Күн тәртібінде ауыл шаруашылығы саласындағы өзекті мәселелер қаралды. Агроөнеркәсіптік кешен Кеңесі аграрлық кәсіпкерлердің проблемаларын шешу үшін бизнес-қоғамдастықтың мемлекеттік билік органдарымен өзара тиімді ынтымақтастықты қалыптастыру мақсатында құрылғанын атап өтті.
Алматы облысында 2023 жылдың 1 мамырдағы жағдай бойынша экономикалық қызмет түрлерінің жіктеуішіне сәйкес «Ауыл шаруашылығы саласы» бойынша 1632 Заңды тұлға, 26500-ге жуық шаруа қожалықтары және жеке кәсіпкерлер тіркелген.
Кеңес саладағы жүйелі мәселелерді Ұлттық кәсіпкерлер палатасы орталық аппаратына жіберу туралы шешім қабылдады. Кәсіпкерлер жеңілдетілген несиелер мен субсидиялар, банктердің кепіл саясаты және тендерлерге байланысты мәселелерді атап өтті.
«Барлық кәсіпкерлерді белсенділікке, заң шығару жұмыстарына, консультативтік-кеңесші органдардың жұмысына қатысуға шақырамын. Бірлескен күш-жігер, диалог арқылы ғана оң өзгерістерге қол жеткізуге болады», – деп түйіндеді Алматы облысы әкімінің орынбасары Алмас Батанов.
Агроөнеркәсіптік кешен Кеңесінің міндеттеріне АӨК мәселелері бойынша заңнаманы жетілдіру, ауыл шаруашылығы саласындағы заңға және ұйымдастыруға қатысты шешімді талап ететін негізгі проблемаларды айқындау, АӨК дамыту жөніндегі мемлекеттік органдардың бағдарламалық құжаттарын әзірлеуге және іске асыруға қатысу кіреді.
Alatau News
