Алматы облысының төтенше жағдайлар департаменті алдағы күндері облыс аумағында ауа райы 42 градусқа жететінін ескертті.
Ведомствоның мәліметінше, «Қазгидромет» мекемесінің 17 шілдедегі ескертуі негізінде Алматы облысының солтүстігінде, оңтүстігінде және орталығында 18-19 шілде күндері түстен кейін 42 градус ыстық болуы мүмкін.
Сондай-ақ 18-20 шілде арасында өрт қаупі жоғары болады. Қонаев қаласында 18-19 шілдеде түстен кейін ауа температурасы 40-42 градусқа дейін жетуі ықтимал.
Алматы облысының Төтенше жағдай департаменті азаматтарды ауа райының өзгеруін бақылауға және сақтық шараларын сақтауға шақырады. Өңірдегі ауа-райына қатысты ескертулер және басқа да шұғыл хабарлар туралы жедел ақпарат алу үшін «Дармен» тегін мобильді қосымшасын жүктей алуға болады.
Еске салсақ, аптап ыстықтан қалай қорғануға болатыны туралы мамандар кеңесін бұған дейін жариялаған болатынбыз.
