Ауыл халқының әлеуметтік жағдайын жақсартуға бағытталған жобаны іске асыруға республикалық бюджеттен облысқа 8,3 миллиард теңге қарастырылған.
Бүгінде бағдарлама шалғай өңірлерде қарқынды жүзеге асырылып келеді. Мәселен, бір ғана Кеген ауданында 3,8 млрд теңгеге 418 өтініш мақұлданған.
Жалпы, Кеген ауданында 10 өнеркәсіптік кәсіпорын жұмыс істейді. Өңірге инвестициялар тарту бойынша аудан 1,2 пайыз үлесімен облыста 9-орында тұр. Осы орайда, облыс бойынша 2025 жылға дейін жүзеге асырылатын 104 жобаның тоғызы Кеген ауданына тиесілі.
Алайда, ауданға тиесілі 9 жобаның сегізін іске асыру жұмыстары тоқтап тұр. Оның ішінде қуаты жыл сайын 150 мың тонна тұз өндіретін «ТұздыБасТау» кәсіпорнын ашу, «Бестөбе» су қоймасында және «Жіңішке» өзенінде форель өсіретін шаруашылықтар құру, мал бордақылайтын шаруашылықтар ашу секілді жобалар бар. Болашақта «Ауыл аманаты» жобасы бойынша жұмыстар қолға алынып, ауыл кәсіпкерлеріне нақты қолдаулар көрсетіледі.
Alatau News
