Қазақстан президенті Қасым-Жомарт Тоқаев Айдарбек Сапаровты Ауыл шаруашылығы министрі етіп тағайындады, ол бұған дейін атқарған Солтүстік Қазақстан облысының әкімі қызметінен босатылды.
Мемлекет басшысы тиісті жарлық шығарып, Ербол Қарашөкеевті Ауыл шаруашылығы министрі лауазымынан босатты.
Айдарбек Сапаров 1966 жылы 12 маусымда Солтүстік Қазақстан облысында дүниеге келген. Омбы ауылшаруашылығы институтын (1992), Манаш Қозыбаев атындағы Солтүстік Қазақстан мемлекеттік университетін (2006) зооинженер мамандығы, мемлекеттік басқару бакалавры бойынша тәмамдаған. «Құрмет», «Парасат» ордендерімен, «Астанаға 10 жыл» мерейтойлық медалімен марапатталған.
Айдарбаек Сапаров Солтүстік Қазақстан облысында түрлі лауазымды қызметтер атқарған, Ауыл шаруашылығы бірінші вице-министрі болды.
