1990 жылдың 25 қазанында Қазақ КСРО Жоғарғы кеңесінің шешімімен «ҚазССР-нің мемлекеттік егемендігі туралы» Декларациясы қабылданып, еліміздің егемендігіне жол ашты. Білім мен ғылым кез келген мемлекеттің даму, өркендеу көрсеткіші. Сондықтан да Тәуелсіз Ел атанған алғашқы күннен бастап білім, ғылым саласын әлемдік өркениет талаптарына сай сапалық жағынан жақсарту мақсатын қойды. Бүгінде осы талап биігінен көрініп, елімізде білім, ғылым салалары айрықша даму жолына түсті. Қазіргі уақытта білім беру жүйесі әлем бойынша жаһандану үрдісіне көшіп жатыр. Сондықтан білім беру жүйесі әлеуметтік саясаттың басты бағыттарының біріне айналып оты. Қазіргі уақытта мемлекеттің экономикалық жетістіктері білім беру жүйесімен, азаматтардың білімділігімен, мамандардың бәсекеге қабілеттілігімен анықталады. Бұл пайымды Ел Президенті Қасым-Жомарт Тоқаев әр Жолдауында жиі айтып келеді. Республика күні еркіндігіміз бен елдігіміздің айбынын айғақтайды. Сол үшін де мен бұл күнді Тәуелсіз елдің білім саласында тер төккен жан ретінде аса жоғары бағалаймын. Бұл күн ұлт пен ұрпаққа еркідік сыйлаған ерекше күн.
Серік Надырбаев,
«Алматы облысы білім беру мекемелері қызметкерлерінің жергілікті кәсіптік одағы» қоғамдық бірлестігінің Еңбекшіқазақ аудандық филиалының төрағасы
