Әл-Фараби атындағы Қазақ ұлттық университеті А.Байтұрсынұлы атындағы Қазақ тіл білімі кафедрасының ұйымдастыруымен 2023 жылдың 3 қарашасы күні Қазақ ұлттық қыздар педагогикалық университетінің оқытушысы, «Болашақ» бағдарламасының түлегі ф.ғ.к. Еділбай Төлеубайұлы Оспановтың «Академиялық жазылым және оның ерекшеліктері» тақырыбындағы семинар-тренингі өткізілді. Семинар-тренингке кафедраның оқытушы-профессорлары, студенттер, магистранттар мен докторанттар қатысты.
Тренингте академиялық жазудың мақсаты, ерекшелігі, атап айтқанда ғылыми стильде, объективті түрде, жүйелі қүрылыммен жазылатыны және сілтемелер жиі қолданылатыны жөнінде жан-жақты айтыла келе, академиялық жазуды оқу арқылы студенттер тілдік бірліктерді қолданудың жолдарын меңгеретіні, зерттеу жұмысын жүргізудің кейбір қағидаларымен таныса алатыны, ғылыми еңбектерді оқу мен оларға конспект жасау ережелерін қолдана білуге және т.б. дағдыланатыны да кеңінен сөз болды. Е.Т.Оспанов семинар-тренингке қатысушылармен еркін форматта сұхбат жүргізді.
С.М.Иманқұлова, Әл-Фараби атындағы Қазақ ұлттық университетінің аға оқытушысы ф.ғ.к. Ә.Ж.Әміров, аға оқытушы,ф.ғ.к; А.С.Жүзбаева,оқытушы.
