2023 жылы Алматы облысының 170 мыңнан астам тұрғыны Азаматтарға арналған үкіметтен төлқұжат пен жеке куәлік алды. Салыстыратын болсақ, 2022 жылы 200 мың азаматқа жеке басын куәландыратын құжат берілген болатын.
Сондай-ақ, 2024 жылға келесідей мемлекеттік баж алымы белгіленді: ҚР азаматының 36 парақты төлқұжаты үшін – 8 АЕК, 48 парақты төлқұжат үшін – 12 АЕК, 24 парақты төлқұжат үшін (16 жасқа дейінгі балаларға) – 4 АЕК. Жеке куәлік үшін төлем 0,2 АЕК-ті құрайды.
Бұл өзгерістер айлық есептік көрсеткіш мөлшерінің бұрынғы деңгейімен салыстырғанда 2023 жылғы 3450 теңгеден (1 АЕК) 2024 жылдын 1 қаңтарынан бастап 3 692 теңгеге дейін ұлғаюымен байланысты.
Айта кетейік, өткен жылы төлқұжаттар мен жеке куәліктерді беру ең көп сұраныста болған үшінші мемлекеттік қызмет қатарынан табылды.
Мөлдір Айдосқызы,
«Азаматтарға арналған үкімет» мемлекеттік корпорациясы» КЕ АҚ Алматы облысы бойынша бойынша PR-менеджері
