“Алатау арайы” газетінің 10 ақпан күнгі №17(178) санын оқыңыз. Басылымның бұл нөмірі Алматы облысында биылғы “Тәуелсіздік ұрпақтары” грантының иегерлері мен “Заңғар” жастар сыйлығының жеңімпаздары, жастарға көрсетілетін қолдау туралы жағымды жаңалықпен басталады.
Одан әрі облыстағы жекеменшік балабақшаларда мемлекеттік тапсырыс бойынша тәрбиеленетін бала санын бақылау, сол арқылы бюджет қаражатын тиімді жұмсау туралы ақпарат пен мектептегі тәрбие, мұғалім – оқушы – ата-ана байланысы, мұғалім мәртебесі туралы мақаланы оқуға болады.
Ауған соғысының аяқталғанына 35 жыл толуына орай осы соғысқа қатысқан ардагер Айдар Анарқұлов жайлы, жалпы ауған соғысы ардагерлерінің тағдыры жайлы мақала да басылым назарынан тыс қалмады.
Бұл санда сонымен қатар ақын Есенқұл Жақыпбектің 70 жылдығына орай естелік мақалалар топтамасы, Ұлттық ұлан қызметкерімен құқық қорғау саласы, отанды сүю, адамгершілік қағидалары сынды тақырыптарды қозғаған тілші сұхбаты, экологиялық таза тыңайтқыш өндіретін ерекше құрт туралы мақала да жарияланған.
[raw_pdf id=5885]
