Бүгін Мемлекет басшысы Қасым-Жомарт Кемелұлы елімізде су тасқыны зардабынан туындаған ауыр жағдайға байланысты үндеу жариялады. Еліміздің бірнеше аймақтарында төтенше жағдай жарияланды. Төтенше жағдайға байланысты штаб құрылып, құтқару жұмыстарына барлық ресурстар жан-жақты жұмылдырылуда.
Барлық білім беру ұйымдарында төтенше жағдайлардың алдын-алу бағытындағы жұмыстар жүргізілуде.
“Тасқын судан зардап шеккен азаматтарға айтарым: мемлекет бірде-бір адамды ескерусіз қалдырмайды. Баршаңызға қаржылық және басқа да көмек беріледі. Материалдық шығындар толық өтеледі,-деді ел президенті.
Ынтымағы мен ауызбіршілігі жарасқан елміз,апатқа байланысты бауырларымызға көмек қолын созып, оларды жатақжай, азық-түлікпен қамтып, қиын-қыстау кезде пейіліміз бен тілегіміздің бір екенін көрсете білейік. Сондықтан осындай сын сағатта еліміздің бірлігін сақтап, президенттің үндеуіне құлақ асайық. Бүгінгі қателік, ертеңгі күнге көпке сабақ болар,-деп үміттенейік.
Су тасқынынан зардап шеккен өңірлерде қазіргі басты міндетіміз – су тасқыны кезеңін еңсеріп, азаматтардың қауіпсіздігін қамтамасыз ету. Халықтың бірлігін, ынтымағын сақтау. Біз сіздермен біргеміз! Ел аман, жұртымыз тыныш болсын!
Ерубаева Гүлжан Жұбайқызы,
Алматы облысы маслихатының депутаты, Іле ауданындағы №54 орта мектептің директоры
