Қонаев әкімі Асхат Бердіханов бүгін халықпен бірге сенбілікке шығып, Центральная көшесінің бойына ағаш егу рәсіміне қатысты. Жалпы алғанда бүгін 1500 ағаш егілді.
«Жасыл аймақ» акциясына қатысқандар арасында этно-мәдени бірлестіктердің, Ақсақалдар кеңесінің мүшелері, білім беру ұйымдары, аурухана қызметкерлері болды. Сондай-ақ халық ұйымдасып, бірлесіп, «Менің аулам – менің үйім» деген ұранмен аулаларды тазартып шықты. Сонымен қатар, әкімдік мамандары экология департаментімен бірлесіп, белгіленбеген орындардан 130 тонна күл-қоқысты арнайы полигондарға шығарды. Аталған жұмысқа 16 ауыр техника жұмылдырылды. Ал мердігер компания өкілдері «Таза Қазақстан» акциясы аясында әлеуметтік жауапкершілік танытып, Әуезов пен Вивальди көшесінің қиылысына 2000 шаршы метр құм-тас төседі.
Кең ауқымда өткен сенбілікке барлығы 8000-ға жуық адам қатысты
Қонаев қаласы әкімінің баспасөз қызметі
