Қазақстандықтар жылжымайтын мүлікке ауыртпалықтарды онлайн тіркеуді жөн көреді. Өткен жылмен салыстырғанда Blockchain технологиясы арқылы жасалатын мәмілелер саны 2,5 есеге артты. 2024 жылдың бірінші тоқсанында шамамен 25 мың операция жасалды.
Бүгінгі күні екінші деңгейлі банктердің платформалары арқылы кепілді (қайта кепілге қоюды) және оның тоқтатылуын онлайн режимде тіркеуге болады. Айта кетейік, бұл қызмет Астана, Алматы және Шымкент қалаларында, сондай-ақ Түркістан, Қарағанды және Алматы облыстарында сұранысқа ие.
Сонымен қатар, Мемлекеттік корпорация қарыз шарты бойынша талап ету құқықтарын басқаға беруді және шарт талаптарының өзгеруі нәтижесінде ауыртпалықтардың өзгеруін тіркеу мүмкіндігін іске асырады. Бұған қоса, тұрғын емес үй-жайлармен кепілді тіркеу де қолжетімді болды.
Айта кетерлігі, Blockchain технологиясы банктерден жылжымайтын мүлікті кепілге алу арқылы несие беруде несиелерді онлайн рәсімдеуді жеңілдетеді, шығындарды азайтады және өтінімдерді қарау мерзімдерін қысқартады. Бұдан бөлек, Blockchain пәтерді рәсімдеу уақытын 3 күннен 1 сағатқа дейін қысқартты.
Айдосқызы Мөлдір,
«Азаматтарға арналған үкімет» мемлекеттік корпорациясы» КЕ АҚ
Алматы облысы бойынша бойынша PR- менеджері
