Алматы облысының әкімі Марат Сұлтанғазиев өңір тұрғындарын 7 мамыр – Отан қорғаушылар күнімен құттықтады.
“Құрметті саптағы сарбаздар мен әскери міндеттегі азаматтар!
Баршаңызды Отан қорғаушылар күнімен шын жүректен құттықтаймын!
Бүгін – Отанымыздың шекарасын күзетіп, бейбітшілігі бұзылмауына, тәуелсіздігі мәңгілікке жалғасуына үлес қосқан ардагерлердің, олардың ізін жалғаған жаужүрек ұлдардың, абыройы асқақ азаматтардың мерекесі.
Байтақ тәуелсіз еліміздің тұрақтылығы мен тыныштығын сақтау жолындағы өлшеусіз үлестеріңіз, егеменді Қазақстанның жарқын болашағының кепілі.
Еліміздің өркендеу жолында атқарып жатқан игі қызметтеріңізге табыс, отбасыларыңызға амандық, дендеріңізге саулық, мол бақыт және бейбіт ғұмыр тілеймін!” делінген әкімнің құттықтауында.
