Шанхай ынтымақтастық ұйымына мүше елдер білім беру саласына, ғылымға да көп көңіл бөліп отырғаны қуантады. Ұйымға мүше елдер арасында дәл осы саладағы ынтымақтастықты жандандыру – заман талабы.
Өйткені қазіргі уақыт – білім мен ғылымның, инновациялар мен жаңа технологиялардың заманы. Осы орайда бүгін елордадағы Astana IT университетінде «Жоғары білім беру және өндірісті интеграциялау саласындағы ынтымақтастық» деген атаумен өтіп жатқан халықаралық симпозиумның болашақ үшін маңызы зор болмақ. ШЫҰ-ға мүше елдердің білім және ғылым министрлерінің кездесуінде бөлек қаржыландыру есебінен бірлескен ғылыми гранттар бағдарламасын іске қосуға келісті. Бұл алдағы уақытта ғылым-білім саласында үлкен прогреске бастайтын шешім екені сөзсіз.
Бинали Мамоев,
Еңбекшіқазақ ауданы «Ахыска» түрік этномәдени орталығының төрағасы
