Қазақстан Мәслихаттарының 30-жылдығына орай және V-Дүниежүзілік көшпенділер ойындарын қолдау мақсатында Қазақстан Республикасының Сенаты мен Қазақстан Республикасы Тоғызқұмалақ спорт федерациясының қолдауымен үш кезеңнен тұратын тоғызқұмалақтан «Абай жүлдесі» турнирі ұйымдастырылады.
Алматы облысы бойынша қалалық және аудандық іріктеу турнирі 2024 жылы 19 шілде күні Алматы облысы Еңбекшіқазақ ауданы Есік қаласының мәдениет үйінде өткізіледі.
Турнирге мәслихат депутаттары мен аппарат өкілдерінен 1 ер және 1 әйел, БАҚ өкілдері мен блогерлерден 1 ер және 1 әйел (қала және аудан командаларының құрамы 2 ер, 2 әйел адам) қатыса алады.
Турнирді Алматы облыстық мәслихатының аппараты және Қазақстан Республикасы Тоғызқұмалақ спорт федерациясының Алматы облысы бойынша филиалы ұйымдастырып отыр.
«Абай жүлдесі» турнирі төмендегідей бірнеше мақсатта ұйымдастырылып отыр:
а) тоғызқұмалақты депутаттар және қоғам өкілдері арасында танымал ету;
б) Қазақстан Республикасы Тоғызқұмалақ спорт федерациясының атқарушы дирекциялары мен жергілікті жерлердегі өкілді билік органдары арасындағы берік байланысты нығайту;
в) Қазақстан Республикасы Тоғызқұмалақ спорт федерациясының танымалдығын арттыру;
г) тоғызқұмалақ спортын дамытуға жергілікті атқарушы органдардың назарын аудару;
е) V-Дүниежүзілік көшпенділер ойындарын қолдау, сондай–ақ ұлттық ойынымыз тоғызқұмалақ спортын дәріптеу.
