Ұлттық статистика бюросы 2024 жылғы 1 желтоқсандағы жағдай бойынша Қазақстан халқының саны туралы деректерді жариялады.
Бюроның мәліметінше, 1 желтоқсанда Қазақстанда 20 265 320 адам болды. 2024 жылдың басымен салыстырғанда халық саны 231 478 адамға артты. Табиғи өсім 217 133 адамды, көші-қон сальдосы 14 345 адамды құрады. Яғни, былтыр қаңтар-қараша айларында елімізде 338 612 сәби дүние есігін ашса, 121 479 адам бақилыққа аттанған. Былтыр 11 айда елімізге 26 441 адам қоныс аударып, 12 096 адам көшіп кеткен.
Қазақстанда халық саны миллионнан асатын үш қала бар: Алматы (2 286 328 адам), Астана (1 520 756 адам) және Шымкент (1 253 280 адам). Облыстардың ішінде тұрғындар саны миллионнан асатын Түркістан (2 154 304 адам), Алматы (1 557 932 адам), Жамбыл (1 222 411 адам) және Қарағанды (1 134 002 адам) облыстары бар.
