Алматы облысы аумағында 18 көлік соқтығысып қалды. Жол-көлік оқиғасы 15 қаңтар күні Алматы – Өскемен тас жолында болған.
“2025 жылғы 15 қаңтарда сағат 07:30 шамасында Алматы-Өскемен тасжолының (Алматы – Қонаевбағыты) 28-шақырымында 18 көлік жол апатына ұшырады”, – деп жазылған “ҚазАвтоЖол” республикалық мекемесі таратқан хабарламада.
ҚазАвтоЖол мәліметінше, жол апаты қалың тұманның салдарынан болған.
“Алдын ала ақпарат бойынша жол апатының себебі жүргізушілердің жылдамдық режимін және қашықты сақтамауы болды. Оқиға болған жол учаскесі ІА техникалық санатына жатады, 6 жолағы бар. Жол құрғақ, ақаулары мен бөгде заттары болмаған. Апаттан зардап шеккендер мен қаза тапқандар жоқ. Оқиғаның мән-жайы нақтыланады”, – деп жазылған хабарламада.
Жол апатынан ешкім жараланбаған. Қазір оқиға орнында құзырлы органдар жол апаты себептерін анықтап жатыр.
“ҚазАвтоЖол” хабарламасы бойынша 15 қаңтар күні сағат 08.20-дан ауа-райының нашарлап, қалың тұман түсуіне байланысты республикалық маңызы бар “Алматы-Өскемен” автожолында 25 км-ден (ақы алу пункті) 124 км-ге дейін (Шеңгелді ауылы) автокөліктің барлық түрлері үшін қозғалыс жабылды.
