Мемлекет басшысы Қасым-Жомарт Тоқаевтың «Әділетті Қазақстан: заң мен тәртіп, экономикалық өсім, қоғамдық оптимизм» атты Қазақстан халқына арнаған Жолдауында бұқаралық спортты дамытуға ерекше мән беріп отырғанын айтты. Сондай-ақ жастардың дені сау, мықты азамат болып өсуі керегін, сондықтан ұлт саулығын сақтау үшін бұқаралық спорттың маңызы айрықша екенін атап өтті. Халықтың денсаулығын жақсартып, әл-ауқатын арттыруға мүмкіндік беретін Президент көтерген бастамаларды жүзеге асыру бағытында облыста да бірқатар жұмыстар атқарылуда. Соның бірі – Қонаев қаласындағы Бердібек Соқпақбаев атындағы орталық саябақта ашылған мұз айдыны.
Мұз айдынының салтанатты ащылуына қатысқан қала әкімінің орынбасары Төлеген Кенжебеков баршаны ашық аспан астындағы нысанның ашылуымен құттықтап, мұның бұқаралық спортты дамытуға септігін тигізетінін атап өтті. Сонымен бірге алдағы уақытта қаланың бірнеше жерінде осындай мұз айдыны пайдалануға берілетінін жеткізді.
Келесі кезекте қалалық ақсақалдар алқасының мүшесі Жақан Ахаев сөз алып, мұндай мұз айдындарының шаһар тұрғындарының демалысын тиімді өткізуі мен қысқы спорт түрлерімен айналысуына игі іске ұйытқы болған қала әкімдігіне ризашылығын білдіріп, ақ батасын берді.
Мұз айдынына өзінің конькиін алып келгендерге кіру тегін. Сондай-ақ конькиді жалға беретін орын қарастырылған. Мұнда бір мезетте 50-ден астам алдам емін-еркін сырғанай алады. Бұл нысанның қала тұрғындарының отбаысмен демелуларына және оқушылардың сабақтан бос уақыттарында коньки тебуді үйренулеріне қолайлы болатыны анық.
Айжарық КӨПТІЛЕУОВ
