Көк код – бұл медицина мекемелерінде науқастың жүрек немесе тыныс алу қызметі кенеттен тоқтағанын білдіретін дабыл сигналы. Бұл код жарияланған кезде, реанимациялық топ, науқасқа шұғыл көмек көрсету үшін жедел әрекет етеді. Көк код жүрек тоқтағанда, тыныс алу қиындағанда немесе тоқтағанда, есінен тану жағдайында қолданылады. Көк код кезінде дереу дәрігерлер мен реанимация тобын шақыру, алғашқы медициналық көмек көрсету, науқастың жағдайын бақылау қажет. Бұл ретте Қонаев қалалық көпсалалы ауруханасында оқыту-жаттығу сабақтары өткізіліп тұрады.
Адамның жаны бар болуының негізгі белгілері – сананың болуы, өздігінен тыныс алу және қан айналымы. Олар жүрек-өкпе реанимациясы алгоритімін орындау барысында тексеріледі. Науқастың өмірі жүрек-өкпе реанимациясын қалай бастайтындығының уақытына байланысты, өйткені клиникалық өлім 5-6 минутқа созылады. Реанимацияның басталуымен кешіктірудің әр минуты науқастың өмірге оралу ықтималдығын 10% төмендетеді.
Реанимациялық көмек көрсету көк код аурухананың бүкіл аумағында, тәулігіне 24 сағат, кез-келген науқас, келуші немесе аурухана қызметкері дереу көрсетілетін негізгі жедел көмекке және 5 минут ішінде көрсетілетін кеңейтілген реанимациялық көмекке мұқтаж болған кезде қамтамасыз етіледі.
Қонаев қалалық көпсалалы ауруханасының жансақтау бөлімшесінің мейіргері Іскендір Бақжан Өсерұлы
