Бүгін Алатау қаласының әкімі Аркен Өтенов Жаңадәуір, Құйған және Жаңаталап ықшам аудандарында жүргізіліп жатқан көше жарықтандыру жұмыстарының барысымен танысты.
Қала басшысы Құйған ықшам ауданында атқарылып жатқан жұмыстарды бақылап, олардың қарқынын бағалады. Одан кейін Жаңаталап және Жаңадәуір ықшам аудандарында көше жарығын орнату және жаңарту бойынша орындалған жұмыстардың сапасы мен белгіленген мерзімдерге сәйкестігін тексерді.
Жұмыс сапарын қорытындылай келе, Аркен Өтенов мердігер ұйымдарға жұмысты сапалы әрі уақытында орындау қажеттігін ескертті. Сондай-ақ, қала тұрғындарының қауіпсіздігі мен жайлылығын қамтамасыз ету үшін көшелерді жарықтандыру жобаларының маңыздылығын атап өтті.
Алатау қаласы әкімдігі көше инфрақұрылымын жақсарту жұмыстарын жалғастыруда және тұрғындардың өмір сүру сапасын арттыру мақсатында жүйелі шаралар қабылдауды жалғастырады.
Алатау қаласы әкімдігінің баспасөз қызметі
