Қонаев қаласында өтіп жатқан «Таза Қазақстан» экологиялық акциясына қала ардагерлері де белсенді түрде үн қосуда. Осы жолы Ардагерлер кеңесінің мүшелері Орталық саябақты қоқыстан тазартып, қоршаған ортаның тазалығына үлес қосты.
Шараға қатысқан ардагерлер аумақты жинастырып, қоғамдық орынның көркіне көрік қосты. Олар жастарға үлгі көрсетіп, туған қаланы таза ұстау – әрбір азаматтың борышы екенін жеткізді.
Қалалық ардагерлер кеңесінің төрағасы Базарбай Оралбаев бұл бастаманың маңыздылығына тоқталып өтті.
«Таза орта – денсаулық кепілі. Қоршаған ортаның жағдайы – болашақ ұрпаққа қалдырар аманатымыз. Біз ардагерлер ретінде жастарға үлгі көрсетіп, табиғатты аялауға үндейміз», – деді ол.
Қонаев әкімдігінің баспасөз қызметі
