Ауыл – қазақтың алтын бесігі. Елімізде соңғы жылдары ауылдарды дамытуға ерекше көңіл бөлінуде. Себебі ауыл өркендемей ел өркендемейді. Заречный ауылының 6000 жуық тұрғындарына медициналық қызмет қолжетімді. Амбулатория барлық қажетті медициналық құрал-жабдықтармен қамтамасыз етілген. Тоғыз білікті медицина қызметкері күніне елуге жуық адамға ем-дом жасайды. Он төсектік күндізгі емдеу бөлімі де бар. Нысанда балалар мен жүкті әйелдер, күндізгі ем қабылдайтын бөлім және зертхана жұмыс істейді. Бұл жерде жедел көмек көрсетуге, науқастарды қабылдауға, ем жүргізуге толық жағдай жасалған. Жұмысқа жас мамандарды қабылдауға да мүмкіндіктер қарастырылған. Дәрігерлер мен орта және кіші буын қызметкерлеріне дейінгі қабылдау, терапевт, балалар дәрігерінің жұмыс істеуіне қолайлы. Егу, емшара бөлмесі де науқастарды қарауға, алғашқы медициналық жәрдем көрсетуге ыңғайлы. Заманауи дәрігерлік амбулаторияда екі жалпы тәжірибелі дәрігер, бір фельдшер, бес медбике, бір лаборант және бір акушер халыққа қызмет көрсетуде. Амбулаторияның жағдайы жақсы және ауыл тұрғындарының күнделікті айтатын алғыстар ілегі толассыз.
Гүлмира Рахметова,
Заречный ауылдық амбулаториясының амбулаторлық қызметінің аға медбикесі
