Ағымдағы жылғы 5-7 мамыр аралығында Алматы облысы дін саласындағы мамандарының кәсіби біліктілігін арттыруға арналған 3 күндік оқыту курсы ұйымдастырылды. Аталған іс-шара Алматы облысы Дін істері басқармасының ұйымдастыруымен «Novotel» қонақ үйінің мәжіліс залында өткізілді.
Біліктілікті арттыру курсында Алматы облысы Дін істері басқармасының басшысы Көшеке Ерғали Ахилбекұлы дін саласындағы мамандарының жұмысының маңыздылығына тоқталып, қоғамдағы діни ахуалдың тұрақтылығы мен діни экстремизмнің алдын-алудың рөлдерін ерекше атап өтті.
Курстың басты мақсаты – дін саласындағы мамандардыдң біліктілігін арттыру, облыс тұрғындарымен жұмыс жүргізуде жаңа әдістемелік тәсілдерді қолдану, сондай-ақ облыстың тұрғындары мен қонақтары арасында діни экстремистік идеологияның таралуын алдын алу бойынша тиімді оқыту курсын ұйымдастыру және өткізу.
Іс-шара барысында дін саласындағы білікті де тәжірибелі дәріскерлер дәріс жүргізіп, ғылыми және қызметтік білімдерімен бөлісті.
Аталған бастама — дін саласындағы мамандардың рухани және кәсіби дамуына қосылған зор үлес. Жергілікті халықтың сұранысына жауап беретін, білімді де білікті мамандарды қалыптастыру — қоғамның тұрақтылығын сақтаудағы басты жол.
