Алматы облысында өтетін «Ұлы дала жорығы» марафон-бәйгесіне дайындық және «Таза Қазақстан» бағдарламасы аясында шара өткізілетін орынға бүгін санитарлық тазарту жұмыстары жүргізілді. Экоакцияға 100-ден астам адам қатысып, 2 тоннаға жуық қоқыс жиналды. «Ұлы дала жорығы» марафон-бәйгесі Алматы облысының Қонаев қаласы және Балқаш аудандарының аумағын қамтып, 500 км қашықтықта өткізілмек. Жалпы, алдағы уақытта да аталмыш шараға тиісті дайындық жұмыстары өз жалғасын табады.
