Алматы облысында орналасқан шаруа қожалығының мемлекеттен алуға тиіс 1,5 миллион теңге көлеміндегі субсидиясы төленбей келген. Алайда Мемлекеттік қызмет істері агенттігінің Алматы облысы бойынша департаменті араласқаннан кейін кәсіпкердің құқығы қалпына келтіріліп, тиісті қаржы толық көлемде төленді.
Департаментке қызмет алушыдан келіп түскен шағым негізінде тексеру жүргізіліп, 2024 жылдың қазан айында берілген өтінімге, субсидияны төлеуге арналған қаржы тек 2025 жылдың ақпан айының басында бөлінгені анықталды. Дегенмен қаржы қолжетімді болғанына қарамастан, жауапты мемлекеттік орган тиісті ақпараттық жүйе арқылы төлем тапсырмаларын (төлем шоттарын) уақытында қалыптастырмаған.
Осылайша, «Асыл тұқымды мал шаруашылығын дамытуды, мал шаруашылығы өнімінің өнімділігін және сапасын арттыруды субсидиялау» мемлекеттік көрсетілетін қызметі бойынша субсидия қызмет алушыға Департаменттің ұсынысы негізінде төленді.
Аталған жағдай Мемлекеттік қызмет істері агенттігінің Алматы облысы бойынша департаменті азаматтардың құқықтарын қорғау және мемлекеттік қызметтердің сапалы көрсетілуін қамтамасыз ету жолында жүйелі жұмыс атқаруда.
А. Қасымберкебаев
Мемлекеттік қызмет істері агенттігінің Алматы облысы бойынша департаментінің Мемлекеттік қызмет көрсету басқармасының бас маманы
