Еліміздің кішкентай тұрғындарының қауіпсіздігі, денсаулығы, білім алуы мен әлеуметтік қамтамасыз етілуі аса маңызды. Өйткені кішкентай болғанымен балалар да қоғамымыздың бір бөлшегі. Жалпы елімізде балаларды қорғау мақсатында жасалып жатқан жұмыстар, қабылданып жатқан заңнамалар, көтеріліп жатқан ұсыныстар жетерлік. Демек елімізде алдағы уақытта бақытты балалық шаққа шомылған, қауіпсіз қоғамды сезінген ұрпақ та қалыптасатыны көңіл қуантады! Облысымызда да балалардың заманауи құндылықтарды бойына сіңіріп өсуге мүмкіндік беретін жаңа білім беру мекемелері көптеп бой көтеруде. Осыған орай облысымыздың орталғы Қонаев қаласында маманауи жабдықтармен қамтылып, жеткіншектердің білім алуына, қауіпсіздігі мен шығармашылық дамуына мол мүмкіндік беретін балалар үй өз жұмысын бастамақ.
Қазақта «Ұрпақ тәрбиесі – ұлт болашағы» деген сөз бар. Ұлы Абай да «Бала тәрбиесі басты байлығың, кешіксең көретінің қайғы-мұң»,-деп бүгінгі тақырыбымызды ашып тұрғандай. Қай мемлекет, қай адам болмасын, басты бағытты балаларға аударған абзал. Ел Президенті Қасым-Жомарт Тоқаевтың айтпағы сол, болашағымыз жарқын болсын десек, ұрпақ тәрбиесін көңілден шығарып алмау керекпіз.
Толқын Мұқанқызы
Еңбекшіқазақ ауданы білім
бөлімінің әдіскері
