Алматы облысы әкімінің өкімімен Ақжүрек Достықұлы Таңатаров облыстық дене шынықтыру және спорт басқармасының басшысы болып тағайындалды.
Ақжүрек Достықұлы 1986 жылы туған. Білімі – жоғары, Қожа Ахмет Ясауи атындағы Халықаралық қазақ-түрік университетін 2010 жылы «дене шынықтыру және спорт», 2013 жылы «құқықтану», 2015 жылы «мемлекеттік және жергілікті басқару», 2022 жылы Шымкент университетін «педагогика және психология» мамандықтары бойынша бітірген.
Еңбек жолын 2006 жылы ҚР Туризм және спорт министрлігі Спорт комитеті Ұлттық штаттық командалар мен спорт резервінің нұсқаушы-спортшысы ретінде бастаған. Әр жылдары Жамбыл облысының дене шынықтыру және спорт басқармасының коммуналдық мемлекеттік мекемелерінде басшылық лауазымдарда жұмыс істеген. Атап айтқанда,
№5 Жамбыл облыстық мамандандырылған балалар-жасөспірімдер спорт мектебінің басшысы, Олимпиадалық резервтің Жамбыл облыстық мамандандырылған мектеп-интернат колледжінің басшысы, Бұқаралық-спорттық шараларды өткізу орталығының басшысы қызметтерін атқарған.
2024 жылдың маусым айынан ҚР Гір және Армспорт федерациясының президенті болды.
