Мемлекет басшысы Қасым-Жомарт Тоқаевтың биылғы Қазақстан халқына Жолдауы ел дамуының келесі кезеңін айқындайтын стратегиялық құжат ретінде ерекше маңызға ие болды. Мемлекет басшысы халықтың әл-ауқатын арттырумен қатар, экономиканы әртараптандыру, әлеуметтік әділдік, экологиялық қауіпсіздік және құқықтық реформаларды тереңдету мәселелерін нақты көрсетті.
Жолдауда құқықтық мемлекет қағидаттарын нығайтуға айрықша назар аударылды. Президент әділ сот төрелігін қамтамасыз ету, азаматтардың құқықтары мен бостандықтарын тиімді қорғау үшін сот жүйесін цифрландыру, құқық қорғау органдарының ашықтығын арттыру жөнінде жаңа бастамаларды жариялады. Бұл қадамдар заңгер мамандығын таңдаған жастар үшін кәсіби бағыт-бағдар болатыны сөзсіз.
Президент Жолдауында әлеуметтік сала кеңінен сөз болды. Білім беру сапасын көтеру, жастарға қолжетімді баспана, жұмыспен қамту бағдарламаларын дамыту мәселелері айтылды. Әл-Фараби атындағы ҚазҰУ студенттері үшін бұл – өз әлеуетін жүзеге асыруға кең мүмкіндік беретін маңызды бағдар. Экономикалық блокта инновациялық өндірістерді, жасыл технологияларды қолдау, шағын және орта бизнесті дамытуға басымдық берілді. Сонымен бірге, экология саласындағы жаңа талаптар табиғат ресурстарын ұқыпты пайдалану мәдениетін қалыптастыруға бағытталған.
Біз, Әл-Фараби атындағы Қазақ ұлттық университеті заң факультетінің 402-топ студенттері, Жолдауда белгіленген міндеттерді жүзеге асыруда әр азаматтың белсенді ұстанымы қажет деп санаймыз. Құқықтық мәдениеті жоғары, білімді жастар – мемлекеттің тұрақты дамуының кепілі! Президент Қасым-Жомарт Тоқаевтың Жолдауы еліміздің болашағына сенім ұялатып, әрқайсымызды жаңа белестерге жетелейді. Ал біз біліміміз бен кәсібилігімізді арттыра отырып, осы стратегиялық мақсаттарды жүзеге асыруға өз үлесімізді қосуға дайынбыз! Жолдау туралы пікірімнің соңында жастық шағымыздың қуатын, алтын уақытымызды, мүмкіндіктерімізді қадірлеп, ел ертеңі үшін адал еңбек етуге жұдырықтай жұмылайық демекпін.
Бақытгүл ҚОНЫСБАЙ,
Әл-Фараби атындағы ҚазҰУ заң факультеті кедендік, қаржылық және экологиялық құқық кафедрасының доценті, PhD
