Мемлекет басшысы Қасым-Жомарт Тоқаев Қазақстан халқына Жолдауын жариялап, еліміздің алдағы әлеуметтік-экономикалық дамуының негізгі бағыттарын айқындап берді. Бұл Жолдау – жаңа мақсаттарға жетелейтін, халқымыздың бірлігін бекемдеп, елдің ертеңіне сенім ұялататын тарихи құжат саналады.
Президент Жолдауында цифрландыру және инновациялар жайын кеңінен сөз етті. Жасанды интеллект министрілігі құрылатынын, мемлекеттік қызмет сапасы цифрландыру арқылы арттырылатынын айтты. Ұлттық банк арқылы цифрлық активтер жинақталатынын, үш жыл ішінде Қазақстан цифрлық мемлекетке айналатынын, бұл ретте «Alatau City» жобасы жүзеге асатынын алға тартты. Демек, Алматы облысы аумағында тікелей Үкіметке қарасты «Alatau City» цифрлық қаласы салынатын болады. Бұл елеміздің дамуына жол ашатын үлкен жоба болмақ.
Президент Жолдауында экономиканы әр тараптандыру, шағын және орта бизнесті қолдау, ауыл шаруашылығын дамыту, денсаулық сақтау саласын жетілдіру, жастарға сапалы білім беру мен олардың әлеуетін арттыру мәселелерін айрықша атап өтті. Экономикалық даму – инвестиция тарту, шағын және орта бизнесті қолдау, жаңа өндірістер ашу арқылы қарқын алатынын да тілге тиек етті. Сонымен қатар әлеуметтің әл-ауқатты көтеру, әділетті қоғам құру, мемлекеттік басқару жүйесін жетілдіру жайына да тоқталды.
Жолдауда айтылған бастамаларды жүзеге асыру – баршамыздың ортақ міндетіміз. Әрбір қазақстандықтың өмір сапасын жақсарту үшін жасалып отырған бұл қадамдар елдің өркендеуіне, тұрақтылығына, тәуелсіздіктің нығаюына зор үлес қосатыны сөзсіз.
Еліміздің әр өңірінде, әрбір мекемеде Президент Жолдауын қолдау – елдігіміздің, азаматтық жауапкершілігіміздің айқын көрінісі. Халықтың сенімі мен қолдауы барда, мемлекетіміздің болашағы жарқын, келешегі кемел болатыны анық.
Біз, қазақстандықтар, Президенттің сындарлы саясатын қолдай отырып, ортақ мақсатқа – дамыған, қуатты Қазақстанды құруға бірге ат салысамыз.
Бақыт Омаров,
Райымбек аудандық қазынашылық басқармасының басшысы
