Алатау қаласының Отбасын қолдау орталығы тұрғындардың әлеуметтік жағдайын арттыруға бағытталған жұмыстарды жүйелі жүргізіп келеді. Атап айтқанда, орталық мобильдік топтармен бірлесіп, қиын жағдайға тап болған азаматтарды қолдау шараларын жүзеге асыруда.
Мұндай шаралардың басты мақсаты – тұрмыстық қиындықтарға кезіккен отбасыларға уақытылы көмек көрсету, олардың құқықтық, психологиялық және әлеуметтік мәселелерін шешуге қолдау білдіру. Сонымен қатар тұрғындардың өмір сапасын жақсартуға, қоғамдағы әлсіз топтардың мүддесін қорғауға ықпал ету де орталықтың негізгі жұмыс бағыты саналады.
Алатау қаласындағы мобильдік топтар әлеуметтік сала мамандарынан құралған. Олар қала аумағында тұратын отбасыларды аралап, қажетті ақпарат беріп, тиісті мемлекеттік органдарға жолдама жасау арқылы жәрдемдеседі.
Отбасын қолдау орталығы алдағы уақытта да осындай игі бастамаларды жалғастырып, Алатау тұрғындарының сеніміне ие болуды көздеп отыр.
Гүлназ КЕҢЕСБАЕВА
Алатау қаласы
