Қарасай ауданындағы Gulnar – Bag ипподромында, VIII Республикалық ауыл спорт ойындары – «Ақ бидай – 2025» аясында жамбы ату бойынша жарыстар жоғары деңгейде өтті.
Кең дала төсіндей айдынды аренаға еліміздің түкпір-түкпірінен келген үздік шабандоздар мен мергендер жиналды. Олар ат үстінде шаба жүріп, нысанаға дәл тию шеберліктерін көрсетті.
Жамбы ату – тек спорт қана емес, көшпенділер өркениетінің терең тамырынан сыр шертетін ұлттық мұра. Бұл өнер ертеде батырларды шайқас пен аң аулауға дайындайтын аса маңызды сынақ болған.
Нысанаға бағытталған әрбір жебе көрерменнің демін ішіне тартқызып, шеберлік пен рухтың үйлесімін паш етті. Бір ғана дәл тиген жебе жеңіс тағдырын шешкен сәттер де аз болмады.
🔹 «Жамбы» стилі бойынша чемпион – Алматы облысынан Алыбаев Серік
«Жамбы ату – тек дәлдік қана емес, рух пен дене бірлігінің көрінісі. Әрбір жебе – бабалар аманатына деген жауапкершілік. Бұл жеңіс – ұзақ дайындық пен командамның қолдауының нәтижесі», – деді Алыбаев.
🔹 2 орын – Сағымбек Олжас (Жетісу облысы)
🔹 3 орын – Мәшіров Айдынғали (Түркістан облысы)
Басқа стильдер бойынша жеңімпаздар:
«Түркі» стилі:
🥇 Еміртай F (Қызылорда облысы)
🥈 Жүсіпәлин Нұрсұлтан (Ақмола облысы)
🥉 Үсен Серік (Түркістан облысы)
«Азия» стилі:
🥇 Тұрсынбай Нүрдәулет (Жамбыл облысы)
🥈 Мұқанов Айдос (БҚО)
🥉 Адырбек Дінмұхамбет (Қызылорда облысы)
«Мажар» стилі:
🥇 Әли Мұқағали (Қызылорда облысы)
🥈 Рахметұлы Жандос (Маңғыстау облысы)
🥉 Стамбаев Бағылан (Алматы облысы)
Жалпы командалық есеп:
🥇 1 орын – Қызылорда облысы
🥈 2 орын – Алматы облысы
🥉 3 орын – Жамбыл облысы
