Қазіргі заман талабына сай, дүние жүзінде жасанды интелект өте жақсы дамып жатыр. Соны бақылауға алып, жеке министрлік құратыны дұрыс болды. Білім саласында, мектеп бағдарламасына енгізу керек деп отыр. Балаларымыз жасанды интелектіні игеретін болса, техниканы меңгереді. ЖОО-да жасанды интелектімен жақсы айналысатын студенттерге басымдық беріп, дайындықтан өткен студенттерді дайындауды тапсырды.
Бұрыннан айтылып келе жатқан екі палаталы Парламенттің бір палаталыға көшетіні дұрыс болды. Оны бір жылға дейін халықтың талқылауына шығарып отыр. Референдум өткізіп, қорытындысы бойынша халық қолдайтын болса, онда Сенат қысқарады. Ол Дүниежүзінде көп тараған тәсіл, көп мемлекеттерде бір палаталы парламент. Депутаттардың санын қысқартса, біраз ақша үнемделеді. Заңдардың сапалы болып шығуына мән беріледі деген сөз.
Ауыл шаруашылығы бойынша өндіріс, қайта өңдеу орындарын тездетіп ашу керек деп жатыр. Ауылдарға ең керегі сол ғой. Тері, жүн өңдейтін орындар, сүт зауыттарын ашу, мал бордақылайтын алаңдарды салып беруге үкімет көмектессе, шаруаға олда тиімді болар еді. Биыл ауыл шаруашылығына 1 трлн теңге бөлініп отыр, ол да қомақты қаржы. Оның бәрін дұрыстап жаратса, осы жағын Жолдауда баса айтты. Өндірісті дамытуға қатты көңіл бөліп жатыр. Леспелі газдарды ең соңына дейін тазалап жаратуды, соған арнайы зауыт салуды тапсырды. Ол да үлкен дүние. Қазір, көп жерлерде газ құр текке жанып жатыр. Сол жанып жатқан газдың энергиясын игілігімізге пайдаланайық деп тапсырма берді. Міне, Жолдауда осы мәселелер қатты ұнады. Жастардың тәрбиесі, діни экстремизм, десструктивті ағымдарға кетіп жатқан жастар туралы қиналысын жеткізді. Сондықтан, сол салада тәрбие жұмысын күшейтуді тапсырып жатыр.
Жоғарыда аталған мәселенің барлығы жақсылыққа бастайды, біздің елімізді дамытады деп ойлаймын.
Нұрлыбай Көпжасар Тоқтамбекұлы,
Кеген аудандық ақсақалдар кеңесінің төрағасы
