Алматы облысында туристік ағымның рекордтық өсімі тіркелді. 2025 жылы өңірге 2,5 миллионнан астам адам келді, бұл өткен жылдың көрсеткішімен салыстырғанда шамамен 40 пайызға көп.
Демалушылар арасында ең танымал бағыттардың бірі дәстүрлі түрде Қапшағай су қоймасы болып отыр: биыл жазда мұнда шамамен 1 миллион 800 мың турист тынықты. Өзге туристер өңірдің көрікті жерлері – Көлсай көлдері, Шарын шатқалы және Іле-Алатау ұлттық саябағын таңдады.
Алматы облысы туризм саласында жоғары әлеуеті бар аймақтардың бірі ретінде өз мәртебесін тұрақты түрде сақтап келеді. Мұнда туристер қарасы жыл мезгіліне қарамастан бәсеңдемейді. Биыл шетелдік туристер саны 12 пайызға, ал ішкі туризм 25 пайызға артқан.
Алматы облысының туризм басқармасының басшысы Қуанышбек Мирамбекұлының айтуынша, биыл өңірдегі үш ұлттық саябақ — «Іле Алатауы», «Көлсай көлдері» және «Шарын» 700 мыңнан астам адамды қабылдаған.
Қапшағай су қоймасының жағалауы Қонаев қаласы үлкен сұранысқа ие. Жаз мезгілінде мұнда 1,8 млн. астам турист келіп, жағажай демалысының рақатын көрді. Сондай-ақ биыл іс-шараға құрылған туризм белсенді дамып, жақсы нәтижелер көрсетті.
Шетелдік қонақтар арасында Көлсай көлдері, Шарын шатқалы және Іле-Алатау ұлттық саябағы ерекше танымал. 2025 жылдың тоғыз айында бұл үш нысанға 700 мыңнан астам адам барса, олардың 530 мыңы Көлсай көлдеріне келген. Әр үшінші келуші — шетелдік турист.
Биыл аймаққа Үндістаннан, Парсы шығанағы елдерінен және Ресейден көптеген қонақ келді. Түркиядан келген турист Мерт Фуркан өз әсерімен бөлісті. “Мұнда өте әдемі, маған ұнады. Біздің Түркияда осыған ұқсайтын Узынкөл деген жер бар, бірақ мұндағы табиғат тартымды: жасыл желек көп, суы таза әрі мөлдір. Мен бұл жерлерді көптен көргім келген — бұл ата-бабамыздың жері. Түркі халықтарына осы өңірге келіп, өз көзімен көруге кеңес беремін”, – деді ол.
Туристер ағынының артуына инфрақұрылымды дәйекті дамыту ықпал етті. 2025 жылы туристік бағыттарды абаттандыруға 171 миллион теңге бөлінді. Жұмыстар «Көлсай көлдері», «Іле-Алатау» ұлттық саябақтарында және Қонаев қаласында жүргізілуде.
Бұл жерлерде пирстер, экосатылар, кіреберіс топтар мен от жағу аймақтары орнатылып, металл қаңқалы жаңа серуендеу соқпақтары салынды. Бұл шаралар демалушыларға қолайлы жағдай жасауға және өңірдің тартымдылығын арттыруға бағытталған.
