Оқушы бойына білім мен тәрбие нәрін егіп қана қоймай, мектеп қабырғасында Отанға, елге деген сүйіспеншілікті арттыру өте өзекті. Осыған орай оқушылар арасында Алматы қаласы Білім басқармасының кубогына арналған аудандық әскери-патриоттық эстафета жарысы өтті. Республика күніне орайластырылып ұйымдастырылған додада 9-11 сынып оқушылары бақ сынады.
Іс-шараны №207 мектеп-лицейінің директоры Елеманова Әлия Сейдкәрімқызы ашып, жас ұрпақтың бойында отансүйгіштік қасиетті, ұлттық рухты нығайтуға арналған іс-шара екенін атап айтты. Оқушылар арасындағы жарысқа Алматы қаласы Білім басқармасы қалалық дене-шынықтыру және спорт оқу тәжірибелік орталығының АӘжТД бөлімінің әдіскері, майор Қайсаев Сұлтан Бейсембайұлы, Алматы қаласы Таулы Қарабах ардагерлері Чингисов Ермек пен Темиргалиев Ерлан қатысты.
Жарыс барысында қатысушылар өздерінің ептілігін, шапшаңдығын, күш-жігері мен бірлігін көрсете білді. Осылайша әрбір команда «Мәңгілік Ел» идеясы аясында нағыз патриот рухын танытты. Дода болғаннан кейін жеңімпаз да болары белгілі. Жарыс қорытындысы былайша аяқталды:
1-орын №192 ЖББМ. Сондай-ақ, аталмыш орта мектеп оқушылары Алматы қаласы Білім басқармасының кубогын иелену жолында қалалық кезеңге жолдама алды.
2-орын №157 ЖББМ
3-орын №207 МЛ.
Айта кетейік, шараның мақсаты – жас ұрпақтың бойында Отанға деген сүйіспеншілікті, ерлік пен батылдықты, азаматтық жауапкершілікті қалыптастыру, сонымен қатар спорт арқылы салауатты өмір салтын насихаттау.
