Кешке Қонаев қаласының әкімі Асхат Бердіханов та қатысып, жұртшылықты мерекемен құттықтады.
«Баршаңызды Жаңа жылмен құттықтаймын! 2025 жылы қаламыз үшін маңызды мерейтойлар жоғары деңгейде атап өтілді. Жеңістің 80 жылдығы, Қазақстан Республикасы Конституциясының және Қазақстан халқы Ассамблеясының 30 жылдығы ел бірлігін айшықтаған тағылымды оқиғалар болды. Қаламыздың 55 жылдығына орай орталық алаңда биіктігі 55 метр болатын Ту тұғыры орнатылды. Сондай-ақ Жұмысшы мамандықтар жылы аясында еңбек адамдарына ерекше құрмет көрсетілді. Алдағы жылы да тұрғындардың өмір сапасын арттыру, жаңа жұмыс орындарын ашу, қызмет көрсету салаларын жаңғырту және кәсіпкерлікті қолдау бағытындағы жұмыстар жалғасын табады. Әрбір отбасыға амандық, бақыт пен береке тілеймін!» – деді шаһар басшысы.
Қала тұрғындары мерекені бірлік пен ынтымақтастықта қарсы алып, бір-біріне ақжарма тілектерін арнауда.
