Өтіп бара жатқан жыл әрқайсымыз үшін елеулі оқиғаларға, табандылық пен төзімді талап еткен тамаша сәттерге де толы болды. Осы жолда маған көрсеткен қолдауларыңыз, ақ тілектеріңіз мен үшін зор күш пен шабыттың қайнар көзіне айналды.
Алматы облысы – еңбегімен елге үлгі болған мейірлі мекен, бірлігі бекем, болашағы жарқын аймақ. Сіздердің жігерлі қолдауларыңыз әр спортшыға, әр салаға серпінді қуат беріп келеді.
Жаңа жылда әр шаңыраққа амандық, береке-бірлік, молшылық пен шаттық тілеймін. Балалардың күлкісі, ата-ананың ақ батасы үзілмесін. Жастарымыз білімді, жігерлі болып, еліміздің абыройын асқақтата берсін.
Алдағы жыл әрқайсымызға жаңа мүмкіндіктер мен тың жетістіктер әкелсін. Тәуелсіз еліміз тыныш, жұртымыз аман, Көк Туымыз әрдайым биікте желбірей берсін!
Демеу Жадыраев,
Еркін күрестен Париж Олимпиадасының жүлдегері
