Алматы облысында іске асырылып жатқан ірі құрылыс жобаларының бірі “Қонаев-Күрті” автомобиль жолының 0-67 шақырым учаскесін қайта жаңарту аяқталып қалды.
Қазіргі таңда мердігер ұйыммен 4 жолақтың негіздемесінен бастап жоғарғы қабатына дейін толық бітірген, сонымен бірге 1 жол өтпесі, 1 Арна арқылы өтетін көпір, ауыл шаруашылығы техникасының өтуіне арналған 3 дана көпір, мал айдауға арналған 6 дана көпір, 55 дана су өткізгіш құбырлары, оның ішінде 2025 жылы 10 дана салынды, тосқауыл қоршауларының құрылысы – 58 681 м., 2 демалыс тұрақтары салынды. Нысанды жыл соңына дейін пайдаланылымға беру жоспарланған.
Аталған нысанның жұмыстар мен материалдардың сапасына сараптама жасау “Жол активтері сапасының ұлттық орталығы” ШЖҚ РМК Алматы облысы бойынша филиалымен үнемі бақылануда. Жыл басынан аталған нысанға 8 шығу жүзеге асырылып, 65 құрылыс материалдары сараптамадан өткізілді, оның 36-ы нормаға сәйкес емес болған жол-құрылыс материалдары қайта сынауға алынып, сараптамадан өткізілуде.
Ұзындығы 67 шақырым Қонаев-Күрті тасжолы – елдің бас қаласы мен оңтүстік астананы байланыстырып жатқан жолдың бір бөлігі.
Қонаев-Күрті жолы — Алматы-Астана, Алматы-Өскемен тасжолдарын жалғап тұрған күре жол. Сондықтан бұл жолдың толық ашылуы транзиттік әлеуетті арттыруға мүмкіндік береді. Қазір жүргізушілер, Қытайдан келетін жүк көліктері негізінен Үлкен Алматы автомобиль айналма жолымен жүріп жатыр. Бірақ құрылыс жұмыстары аяталған соң, Қонаев-Күрті жолы Қорғас және басқа да өткізу пунктерінен келетін тауаларды Алматыға кірмей Орталыққа Қазақстанға жеткізуге мүмкіндік береді.
Күрті-Қонаев жолы әрі қарай Қонаев-Алматы жолымен жалғанады. Ал 1–санаттағы 6 жолақты бұл автожолда қазіргі уақытта көлік ағыны көбейген. Себебі көлік арқылы Қапшағай және Алакөлге демалуға баратын азаматтар дәл осы учаскемен өтеді.
