Мемлекет басшысы Қасым-Жомарт Тоқаевтың бастамасымен жүргізіліп келе жатқан «Әділетті Қазақстан» тұжырымдамасы – қоғамда заң үстемдігін орнатып, әр азаматтың құқығын қорғауға бағытталған маңызды бастама. Бұл идеяның өзегінде әділдік, ашықтық және жауапкершілік қағидаттары жатыр. Әсіресе сыбайлас жемқорлыққа қарсы күрес – осы тұжырымдаманың басты басымдықтарының бірі. Жемқорлық қоғамның дамуына кедергі келтіріп, жастардың болашаққа деген сенімін әлсіретеді. Осыған орай облыстық жастар ресурстық орталығы бұл мәселенің алдын алу бағытында түрлі шаралар өткізіп, ақпарат беріп келеді. Себебі жастар – елдің ертеңі, еліміздің болашағы. Егер әр азамат заңды құрметтеп, әділдікті өмірлік ұстанымына айналдырса, қоғамда тәртіп орнайды. Ең бастысы, сыбайлас жемқорлықпен күрес әрбір азаматтың жауапкершілігіндегі мәселе екенін естен шығармауымыз керек.
Еркебұлан Жақан,
«Алматы облыстық жастар ресурстық орталығы» КММ директорының орынбасары
