Конституциялық реформалар жөніндегі комиссия отырысы
Қазақстанның құқықтық, әлеуметтік және экономикалық дамуына
бағытталған кешенді реформаларды қарастырды. Конституцияға енгізілетін
түзетулер адам құқықтарын қорғауды күшейтуге, жеке тұлғаның қадір-
қасиеті мен ар-намысына басымдық беруге, өмір сүру құқығын және сот
билігінің тәуелсіздігін қамтамасыз етуге бағытталған. Сонымен қатар,
цифрлық дәуірде дербес деректерді қорғау және әлеуметтік құқықтарды
нығайту мәселелері де басты назарға алынды.
Мен Ата заңды жетілдіру үшін жасалып жатқан бастамаларды толық
қолдаймын. Бұл қадамдар елдің дамуына, азаматтардың құқықтарын қорғауға
және тиімді басқаруға нақты ықпал етеді. Конституциялық реформалар – ел
дамуының жаңа кезеңіне жол ашатын, саяси жүйені жаңғыртып, әділдік пен
заң үстемдігін одан әрі нығайтатын маңызды қадам. Конституциялық
реформа жөніндегі комиссияның отырыстары ашық форматта, тікелей
эфирде өтуі – мемлекет пен қоғам арасындағы сенімнің, халықпен сындарлы
диалог орнатуға деген ұмтылыстың нақты дәлелі. Барша азаматтарды
қоғамда болып жатқан саяси оқиғаларға құлақ түріп, ел болашағына қатысты
өзекті бастамаларды бірге талқылауға шақырамын.
Күлшар ҚАСЕНҚЫЗЫ,
Үңгіртас ауылдық аналар кеңесінің төрағасы,
Жамбыл ауданы
