Құрметті құрдастар! Біз – тәуелсіз елдің жастары, болашақтың иесіміз. Бүгінгі таңда жастарға төнген ең үлкен қауіптердің бірі – есірткі. Ол алғашында қызық, уақытша ләззат сияқты көрінуі мүмкін, бірақ шын мәнінде адам өмірін баяу құрдымға апарады. Есірткі денсаулықты бұзады, ойлау қабілетін әлсіретеді, адамды өзіне және айналасына қауіпті етеді. Көптеген жастар армандарына жете алмай, өкінішпен өмір сүруге мәжбүр болады. Біз мұндай тағдырды таңдамауымыз керек. Әрқайсымыздың алдымызда үлкен мақсат, асқақ арман бар. Сол арманға жету үшін білім алып, еңбек етіп, спортпен шұғылданған дұрыс. Қиын сәтте дұрыс шешім қабылдау – нағыз батылдық. Қауіпті ұсыныстарға қарсы тұрып, достарымызды да сақтандырайық. Бірге болсақ, есірткіге қарсы мықты тосқауыл қоя аламыз. Өмірді, денсаулықты, болашақты таңдайық! Бұл үндеу әр жасқа жауапкершілік жүктейді. Өз өмірің үшін сен ғана жауаптысың. Ата- анаңның сенімін, ұстаздардың үмітін ақта. Заңды бұзба, арыңды сатпа, болашағыңды қор етпе. Саналы ұрпақ болу әрқайсымыздың міндетіміз. Біз салауатты қоғамды бірге қалыптастыра аламыз, оған бүгіннен қадам жасайық дәл қазір бәріміз.
#есірткігеқарсы #противнаркотиков
Теміртай Балнұр Қайратқызы,
Қызылорда облысы, Жалағаш ауданы, Мәдениет ауылы №32 мектеп-лицейдің 10-сынып оқушысы
