Қазір елімізде күн сайын Конституциялық реформа жөніндегі комиссияның тұрақты отырысы өтіп жатыр. Онда сөз бостандығы мен шығармашылық еркіндікті қорғау нормаларының бекітуге де басымдылық берілімек.
«Әділ сөз» халықаралық қорының президенті Қарлығаш Жаманқұлованың айтуынша,сөз бостандығы азаматтарға өмірлік маңызы бар шешімдер қабылдау үшін қажетті объективті, толық және шынайы ақпаратты уақтылы алуға мүмкіндік береді және сонымен қатар мемлекетті жүйелі қателіктерден қорғайтын құрал ретінде қарастырылуы мүмкін. Қалай десек те, қоғамды кемел оймен, жүйелі сөзбен, еркін пікірмен дамытудың маңызы зор. Елдің ғылымы мен мәдениеті, инновациясы мен рухани қуаты – ой еркіндігі бар ортада ғана қалыптасады. Демек, Қазақстанның жаңа Конституциясына енетін бұл өзгеріс қоғамның интеллектуалдық дамуына оң әсер ететіні анық.
Шаяхмет Құсайынұлы,
Қазақстан Жазушылар, Журналистер одағының мүшесі
