Конституциялық реформа – еліміздегі саяси жүйені жаңғыртуға бағытталған кешенді өзгерістердің негізі. Ол саяси партиялар мен одақтар мен үкімет құрылымы туралы заңнаманы, сондай-ақ басқа да мәселелерді жүйелі шешуді оңтайландырады.
Бүгін Елордада Конституциялық реформа жөніндегі комиссияның алғашқы отырысы өтті. Комиссия жұмысына Конституциялық соттың төрағасы Эльвира Азимова жетекшілік етсе, оның орынбасарлары ретінде Мемлекеттік кеңесші Ерлан Қарин мен Премьер-министрдің орынбасары – Мәдениет және ақпарат министрі Аида Балаева бекітілді. Құрамына депутаттар, қоғам қайраткерлері, сарапшылар, БАҚ өкілдері мен ғылыми орта кірген комиссия елдегі ауқымды саяси өзгерістерді талқылады. Аталған отрыста еліміздің саяси жаңғыртудың жаңа кезеңіне қадам басқаны аталып өтілді. Мемлекет басшысының пәрменіне заң шығарушы биліктің тиімділігі арттырылмақ. Сондай-ақ қоғамның мемлекет басқаруына қатысуының конституциялық тетіктерін жаңартылмақ. Міне осылай еліміз Мемлекет басшысының бастамасымен институционалдық негізді терең жаңғыртудың жолына қадам басты деуге болады. Қалай десекте Қазақстан ашық әрі демократиялық саяси өмірге қарай қадам басып келеді, мұнда әрбір азаматтың қатысуы бағаланып, елдің бағытына ықпал ете алады. Билік пен қоғам арасындағы жаңа қоғамдық келісімнің негізі қалануда – ол жауапкершілікке, есеп берушілікке және өзара құрметке сүйенеді. Өйткені елімізде жүргізіліп жатқан конституциялық реформаның әр қазақстандыққа тікелей қатысы бар.
Тілеулес Ұзақов,
«Ардагерлер ұйымы» Еңбекшіқазақ
аудандық филиалының төрағасы
