Мемлекет басшысының конституциялық реформа жөніндегі комиссия құру туралы Жарлыққа қол қоюы ойластырылған және уақтылы шешім болды. Бұл мемлекеттік құрылымның негіздерін жаңартуға жол ашатын қадам.
Конституциялық комиссия құрамының мүшелері де толықтай көңілден шығады. Комиссияны Конституциялық Соттың төрағасы басқаратыны бұл іске байыпты және кәсіби көзқарас тұрғысынан мән берілгенін аңғартады.
Комиссия құрамына Парламент, сот, мемлекеттік органдар, қоғамдық кеңестер, ғылым, мәдениет, медиа және бизнес өкілдерінің кіруі де құптарлық жайт. Бұлар – әртүрлі кәсіптегі, әртүрлі көзқарастары және өмірлік тәжірибесі мол жандар. Олардың ортақ жұмыс атқаруы үлкен нәтиже берері сөзсіз.
Конституция – этникалық және әлеуметтік мәртебесіне қарамастан барлық азаматтарға тең мүмкіндік береді.
Осы реттегі комиссия жұмысы «Әділетті Қазақстан» идеясымен тікелей байланысты екенін атап өткен жөн. Комиссия «Халық үніне құлақ асатын мемлекет» қағидатын ескере отырып жұмыс істейтініне сенім зор.
Гүлнар Жошыбаева,
Алматы облыстық Аналар кеңесінің төрағасы
