Қызылорда қаласында өткен V Ұлттық құрылтайдың соңғы отырысында Мемлекет басшысы Қазақстанның саяси жүйесін сапалы жаңа деңгейге шығаруға бағытталған реформалардың ауқымын атап өткен еді. Осыған байланысты Президент Жарлығымен Конституциялық комиссия құрылып, ол қоғамдық ұйымдар, саясаткерлер, билік өкілдері, қарапайым азаматтардан келіп түскен әртүрлі ұсыныстарды бірнеше күннің ішінде жедел өткен отырыстарында жан-жақты талқылады. Қоғам мүшелері білдірген ой-пікірлер мейлінше кең және тиянақты талқыланғанын ескерсек, бұлардың бәрі терең ойластырылған және «Халық үніне құлақ асатын мемлекет» қағидатына толық сәйкес келеді деуге болады.
Жалпы Қазақстанда жүргізіліп жатқан парламенттік және конституциялық реформалар басқару жүйесінің тиімділігін арттыру арқылы елді саяси жаңғырту, сол арқылы мемлекеттіліктің орнықтылығын нығайтуға бағытталғанын атап айтқан жөн. Ата Заңымыздың көптеген тармақтарын заман талабына сай өзгертіп, жаңа редакцияда қабылдау жөнінде спикерлер ұсынған өзгерістер қарапайым халықтың жан-дүниесіне ұнамды әсер етіп жатқаны сөзсіз. Өйткені шынайы демократиялық талаптарға жауап беретін бұл өзгерістер қоғам өмірін анағұрлым жаңғыртып, тұрмыс-тіршілікті жақсартады деген сенім күшейе бастады. Мысалы, соттың рұқсатынсыз қамауда ұстау мерзімін 72 сағаттан 48 сағатқа дейін қысқарту және өлім жазасына тыйым салуды Ата Заңда бекіту гуманистік тұрғыдан өте орынды. таұсынылғаны ешкімді қозғамайды. Ал азаматтардың құқықтарын қорғау мәселесінде адвокатура мәртебесін бекіту қатал қажеттілік еді.
Өте бір маңызды мәселе – реформаны тереңдету аясында елдің берік идеологиялық бағытын қамтамасыз ету мақсатында Конституцияның негізгі кіріспесіне ұлттық құндылықтарымызды қамтитын өзгерістер енгізу жөнінде ұсыныс енгізу қажет екені айтылды. Мұның бәрі тек демократиялық тұрғыдан ғана емес, ұлттық даму тұрғысынан да өте өзекті.
Айтжамал НҰРБАТЫРОВА,
Талғар аудандық Аналар кеңесінің төрайымы
