Қазіргі замандағы өзгерістердің басты қозғаушы күші – жастар. Жас буынның ойы, пікірі, көзқарасы елдің даму бағыты мен болашағына тікелей әсер етеді. Мемлекет басшысы Қасым-Жомарт Кемелұлы Тоқаев бұл мәселеге ерекше мән беріп, «Жастардың ой-санасымен санасу – мемлекеттің өркениеттілігінің көрсеткіші» деп атап өтті. Президенттің бұл сөзі – жай ғана ұран емес, ел болашағы үшін маңызды бағдар. Жастар – елдің қозғаушы күші, тың идеялар мен заманауи көзқарастардың иесі. Олардың пікіріне құлақ асу, бастамаларын қолдау – қоғам дамуының алғы шарты. Мемлекет тарапынан жастарға жасалып жатқан мүмкіндіктер мен қолдаулар – осы ұстанымның нақты көрінісі.
Бүгінгі студент – ертеңгі маман, кәсіпкер, инженер, ұстаз немесе басшы. Демек, олардың ой-пікірі мен талап-тілегіне бей-жай қарау елдің өз болашағына бей-жай қараумен тең. Президент осыны терең түсініп, жастардың үніне үнемі мән беріп келеді. Ол түрлі кездесулерде жастармен ашық пікір алмасып, олардың мәселелерін тыңдайды, нақты шешімдер қабылдайды.
Сонымен қатар, жастардың белсенділігіне, еркін ойына қолдау көрсетіп, ертеңіне сеніммен қарауға үндейді. Бұл – қоғамда жастарға деген сенімнің, құрметтің белгісі. Президенттің бұл бастамасы жастардың азаматтық белсенділігін арттырып, қоғамдық өмірге араласуға мүмкіндік береді.
Жастардың ой-санасын елемеу – үлкен қателік. Өйткені олар – тек болашақ емес, бүгінгі күннің де маңызды бөлігі. Саналы ұрпақ – сапалы өзгерістердің бастауы. Президент осы бағытта нақты жұмыстар жүргізіп, жастарға сенім артып келеді. Ал жас буын, бұл сенімді ақтап, еліміздің дамуына үлес қосады.
Қорытындылай келе, Президентіміздің жастармен санасу туралы айтқаны – уақыт талабы ғана емес, ұлттық мүдденің де айқын көрінісі. Бұл – мемлекет пен жас ұрпақ арасындағы сенім көпірінің негізі.
Жастарға деген сенім мен талап қатар қойылуда Президент жастардың жігерін, отаншылдығын жоғары бағалай отырып, оларды шынайы өмірге бейім, жауапты тұлға болуға үндейді. Бұл – жалған оптимизм емес, саналы талап. Жастардың пікіріне құлақ асу қажеттігін атап өтуі – билік пен қоғам арасындағы диалог мәдениетінің көрінісі. Сонымен қатар, виртуалды әлемге алданып қалмай, еңбек пен тәртіпті өмірлік ұстаным ету жөніндегі ойы – бүгінгі жастар үшін аса өзекті ескерту. Бұл тарау жас ұрпаққа сенім артумен қатар, олардан нақты іс пен нәтижені күтетінін айқын көрсетеді. Бұл сұхбатта Қазақстанның жаңғыруы тек экономикалық немесе технологиялық өзгерістермен шектелмейтіні айқын көрінеді. Мемлекет басшысы рухани негізді (Абай ілімі), зияткерлік серпінді (жасанды интеллект, цифрландыру) және адами капиталды (жастардың жауапкершілігі мен еңбексүйгіштігі) біртұтас жүйе ретінде қарастырады. Негізгі түйін — елдің болашағы бос ұран мен жалған оптимизмде емес, тарихи сананы жаңғыртуда, білім мен технологияны игеруде және тәртіпке негізделген адал еңбекте. Бұл сұхбат қоғамды өз-өзіне сын көзбен қарап, нақты әрекетке көшуге шақыратын салмақты бағдар ретінде бағалануға лайық деп ойлаймын.
Динара Боларбекқызы Бозымбекова,
Талғар агробизнес және менеджмент
колледжінің директоры, филология ғылымының магистрі
