Мемлекет басшысы Қасым-Жомарт Тоқаевтың Жарлығына сәйкес 15 наурыз күні Жалпыхалықтық референдум өтеді. Бұл – ел дамуының жаңа кезеңіне бастайтын маңызды қадам.
Осыған орай Ұйғыр ауданында құрылған коалиция мүшелері бүгін Шонжы политехникалық колледжі ұжымымен кездесіп, үгіт-насихат жұмыстарын жүргізді. Кездесу барысында қатысушыларға Жаңа Конституция жобасының негізгі бағыттары мен басымдықтары кеңінен таныстырылды. Атап айтқанда, азаматтардың құқықтары мен бостандықтар-ын қорғауды күшейту, билік тармақтарының теңгерімін сақтау және халықтың басқару ісіне қатысу мүмкіндігін арттыру мәселелері түсіндірілді.
Ұжым тарапынан қойылған сұрақтарға нақты жауап беріліп, ашық әрі мазмұнды пікір алмасу өтті. Кездесуде әрбір дауыстың – ел болашағына қосылған үлес екені баса айтылды.
Ұйғыр аудандық коалицияның
баспасөз қызметі
